BAKI, Azervoice, Nərmin Ağayeva
Tesla İlon Maska 29 milyard dollara yaxın səhm bonusu təqdim edəcək.
Azervoice xəbər verir ki, Tesla İdarə Heyəti şirkətin baş direktoru İlon Maska 2018-ci il CEO Performans Mükafatı çərçivəsində təxminən 29 milyard dollarlıq məhdud səhmlərlə mükafat verilməsi barədə qərar qəbul edib.
İdarə Heyətinin səhmdarlara ünvanladığı məktubda qeyd olunur ki, Mask 2017-ci ildən bəri bu ödənişi almayıb. Delaver məhkəməsinin bu bonus paketini ləğv etməsinə baxmayaraq, şirkət rəhbərliyi Maskın “transformativ artım və nəticələr təmin etdiyini” vurğulayıb.
Qərara əsasən, Mask şirkətdə ən azı iki il qalarsa, ona 96 milyon səhm veriləcək. Məhkəmə isə bu ödəniş paketinin çox yüksək olduğunu və ədalətli şəkildə müəyyən edilmədiyini bildirərək onun ləğvini müzakirə edib.
Qeyd edək ki, bonusun ümumi dəyəri Tesla səhmlərinin bazar qiymətinə bağlı olaraq dəyişə bilər.