BAKI, AzerVoice

HƏMAS Papa XIV Leo-ya təbrik və Qəzza üçün çağırış edib.

AzerVoice xəbər verir ki, HƏMAS hərəkatı Roma Papası seçilən amerikalı kardinal Robert Prevost-u – Papa XIV Leo – vəzifəyə gəlişi münasibətilə təbrik edib və onu Qəzzada baş verən humanitar faciəyə qarşı daha fəal mövqe tutmağa çağırıb.

Hərəkatın yaydığı yazılı bəyanatda, Katolik Kilsəsinin yeni rəhbərinə mənəvi və humanitar məsuliyyətini layiqincə yerinə yetirməkdə uğurlar arzulanıb. Bildirilib ki, Papa Fransiskin dövründə İsrailin Fələstində həyata keçirdiyi siyasətlərə qarşı göstərilən açıq mövqe və fələstinlilərlə həmrəylik nümunəvi idi.

“Zəiflərin və məzlumların yanında olmaq mənəvi liderlik məsuliyyətinizin ayrılmaz hissəsidir. Qəzzada uşaqlara, qadınlara və mülki infrastruktura qarşı həyata keçirilən soyqırımı dayandırmaq üçün beynəlxalq aləmdə qətiyyətli addımlar atılmalıdır.” - deyə Bəyanatda Papa XIV Leo-ya müraciətlə deyilir.

HƏMAS həmçinin Fələstindəki xristianların müqəddəs məkanlarının qorunmasının vacibliyini vurğulayıb və bu istiqamətdə də Papanın liderliyinə ümid etdiyini bəyan edib.