BAKI,AzerVoice
Yaponiyada 65 yaşdan yuxarı şəxslərin bankomatdan istifadə edərkən telefonla danışmaları qadağan edilir.
AzerVoice xəbər verir ki, Yaponiyanın Osaka şəhəri, artmaqda olan dələduzluqlarla mübarizə aparmaq məqsədilə yaşlıların ATM-lərdə telefonla danışaraq əməliyyat aparmalarını qadağan edəcəyini açıqlayıb.
Mafiyalar da daxil olmaqla cinayətkar dəstələrin həyata keçirdiyi dələduzluq fəaliyyətləri nəticəsində ötən il ölkə üzrə təxminən 500 milyard dollar dəyərində ziyan qeydə alınıb.
Özlərini polis və ya vəkil kimi təqdim edən dələduzlar, xüsusilə yaşlı şəxsləri pul köçürməyə və ya nağd pul çıxarmağa razı salaraq onları hədəfə alır.
Osaka şəhər rəhbərliyi, avqust ayında qüvvəyə minəcək yeni qaydalara əsasən, 65 yaş və üzəri şəxslərin ATM-də əməliyyat apararkən telefonla danışmalarının qadağan olunacağını bildirib.
Bu tətbiq Yaponiyada bir ilk olacaq və məlumata görə, qanuna əməl etməyən şəxslərə cərimə tətbiq olunmayacaq.