BAKI,AzerVoice, Fərid Mikayılov
Suriyanın Prezidenti Əhməd əş-Şaraa cümə günü Avropa Komissiyasının sədri Ursula von der Leyen ilə görüşüb.
AzerVoice xəbər verir ki, Ursula von der Leyen Bəşşar Əsədin devrilməsindən sonra Suriyaya səfər edən ən yüksək səviyyəli Avropa İttifaqı rəsmisi olub.
Avropa Komissiyasının sədri regional səfər çərçivəsində Avropa Şurasının prezidenti Antonio Koşta ilə birlikdə bölgədə danışıqlar aparır.
Səfər Suriyanın şimalında, xüsusilə Hələb şəhərində hökumət qüvvələri ilə kürd silahlı dəstələri arasında baş vermiş və insan tələfatı ilə nəticələnən toqquşmalardan bir neçə gün sonraya təsadüf edir.
Müşahidəçilərin fikrincə, bu görüş Avropa İttifaqının Suriyada formalaşan yeni siyasi reallıqlara yanaşmasının və regional sabitliklə bağlı mövqeyinin göstəricisi kimi qiymətləndirilir.