BAKI, AzerVoice
Böyük Britaniya və Fransa İŞİD-in yeraltı silah anbarlarını havadan hədəfə alıb.
TurkicWorld xəbər verir ki, bu barədə Böyük Britaniyanın Müdafiə Nazirliyinin mətbuat xidməti açıqlama yayıb.
Məlumata əsasən, kəşfiyyat Palmiranın şimalında yerləşən yeraltı obyekti müəyyən edib. Əməliyyata Paveway IV dəqiqlikli idarə olunan bombalarla silahlanmış RAF Typhoon FGR4 qırıcıları cəlb olunub.
İlkin göstəricilər zərbənin hədəfə dəqiq endirildiyini göstərir.
Nazirliyin mətbuat xidməti bildirib ki, hava zərbəsi nəticəsində mülki əhali üçün hər hansı təhlükə qeydə alınmayıb və Böyük Britaniyaya məxsus heç bir təyyarə zərər görməyib.