BAKI, AzerVoice, Fərid Mikayılov
Suriya Prezidenti Əhməd əş-Şəra Rusiya Prezidenti Vladimir Putinlə Moskvada görüşəcək.
AzerVoice xəbər verir ki, bu, keçmiş prezident Bəşşar Əsədin devrilməsindən sonra onun Rusiyaya ilk rəsmi səfəridir.
Danışıqlarda regional və beynəlxalq məsələlər, həmçinin Dəməşq və Moskva arasında əməkdaşlıq imkanları müzakirə ediləcək.
Şəraa səfər çərçivəsində Rusiyanın Tartusdakı dəniz bazasının və Hmeymimdəki hərbi hava bazasının gələcək statusunu da müzakirə edəcək.
Suriyalı rəsmilər əlavə ediblər ki, Şəraa, Bəşşar Əsədin suriyalılara qarşı törətdiyi cinayətlərə görə təhvil verilməsini Moskva tərəfinə rəsmi şəkildə tələb edəcək.
Qeyd edək ki, iyul ayında Putin və xarici işlər naziri Sergey Lavrov Suriya xarici işlər naziri Əsəd əş-Şeybani ilə Moskvada görüşmüşdülər. Bu, Əsədin devrilməsindən sonra Suriya ilə Rusiya arasında keçirilən ilk yüksək səviyyəli diplomatik təmas idi.