BAKI,AzerVoice, Fərid Mikayılov
Macarıstan Baş naziri Viktor Orban Ukraynaya hərbi və maliyyə dəstəyi göstərmək məsələsində sərt mövqe nümayiş etdirib.
AzerVoice xəbər verir ki, o, sosial şəbəkə X-də paylaşdığı açıqlamada, ölkəsinin bu yükü üzərinə götürməyəcəyini bildirib.
Orban qeyd edib ki, Macarıstan heç bir hərbçi, silah və ya maliyyə göndərməyəcək.
O əlavə edib ki, Brüssel və Kiyev Macarıstanın onların tələblərinə əməl etməsini istəsə də, bu baş verməyəcək.
Orban daha əvvəl Ukraynanın Avropa İttifaqı və NATO-ya mümkün üzvlüyünü müharibəyə aparan yol kimi qiymətləndirmiş, Kiyevin Qərb ölkələri ilə Rusiya arasında "tampon zona" kimi qalmasının vacib olduğunu vurğulamışdı.