BAKI,AzerVoice
Təxminən 50 tanınmış idmançı, o cümlədən fransalı futbolçu Pol Poqba və mərakeşli Hakim Ziyeş, İsrailin bütün komandalarının Avropa Futbol Assosiasiyaları İttifaqı (UEFA) tərəfindən təşkil olunan yarışlardan uzaqlaşdırılmasını tələb edən bəyanata imza atıb.
AzerVoice xəbər verir ki, bu çağırış, İsrailin Qəzzaya hərbi hücumları fonunda beynəlxalq təzyiqlərin artması ilə əlaqədar edilib.
Aksiyaya qatılan idmançılar “Sülh üçün idmançılar” şüarı altında birləşərək bildiriblər ki, onlar müxtəlif mənşə və inanclardan gəlmələrinə baxmayaraq, hamısı eyni fikri bölüşür: “İdman ədalət, bərabərlik və insanlıq prinsiplərini dəstəkləməlidir.”
Fransanın “RMC” portalının məlumatına görə, bəyanatı imzalayanlar arasında 2018-ci ildə Fransa yığması ilə dünya çempionu olmuş Pol Poqba, “Monako”nun futbolçusu, holland Anvar əl-Qazi, mərakeşli Hakim Ziyeş, misirli Sam Morsi, malililər Şeyx Diabate və Şeyx Dukure, həmçinin ingilis boksçusu Zak Şilli və britaniyalı məşqçi Naycel Pirson da var.
