BAKI, AzerVoice, Fərid Mikayılov
Çexiya Müdafiə Nazirliyi Almaniya istehsalı olan 44 ədəd Leopard 2A8 tankının alınması üçün 1,34 milyard avro dəyərində müqavilə imzalayıb.
AzerVoice xəbər verir ki, rəsmi açıqlamaya görə, tankların təslimatına 2028-ci ildə başlanacaq və 2031-ci ilə qədər tam şəkildə başa çatdırılacaq.
Müqavilə çərçivəsində tanklara Çexiyaya xas bəzi texniki adaptasiyalar ediləcək. Buraya rabitə sistemləri, kamuflyaj, işarələmə, pulemyotlar və sursat kimi əlavə avadanlıqlar daxildir.
Adaptasiyaların ümumi dəyəri KDV daxil 1,49 milyard Çex korunası (təxminən 60 milyon avro) olaraq açıqlanıb.
Çexiyanın müdafiə naziri Yana Çernoxová müqavilənin əhəmiyyətini belə dəyərləndirərək, “Bu tanklar ordumuzun əvəzolunmaz hissəsidir. Leopard 2A8-lərin alınması ilə biz yalnız
NATO öhdəliklərimizi yerinə yetirmirik, eyni zamanda ölkəmizin quru qoşunlarını da modernləşdiririk.”-deyib.
Çexiya Silahlı Qüvvələrinin Baş Qərargah rəisi isə Leopard 2A8-lərin ölkənin müdafiə qabiliyyətini gücləndirəcək və caydırıcılıq gücünü artıracaq kritik bir investisiya olduğunu vurğulayıb.