BAKI,AzerVoice, Fərid Mikayılov
Almaniya kansleri Fridrix Merts ABŞ-ın qaydalara əsaslanan beynəlxalq nizama arxa çevirdiyini bildirib.
AzerVoice xəbər verir ki, bu barədə o, Xristian Demokrat Birlik Partiyasının (CDU) rəhbəri kimi Baden-Vürtemberq əyalətinin Heddeshaym bələdiyyəsində keçirilən yığıncaqda çıxış nitqi zamanı danışıb.
"Dünyadakı ən vacib müttəfiqimiz, bu günədək ABŞ olub, qaydalara əsaslanan nizamdansa uzaqlaşır"- deyə o bildirib.
Kansler ABŞ-ın siyasətini beynəlxalq hüquq əvəzinə yalnız güc və maraq mərkəzli siyasət kimi qiymətləndirib.
Yığıncaqda o ölkədə insanların daha uzun və daha çox işləməsini tələb edərək, sənayenin əsasının qorunmasının vacib olduğunu, əks halda mövcud problemlərin həllinin mümkün olmayacağını bildirib.