BAKI, AzerVoice, Səməd Əyyubov
Polşa Rusiya ilə diplomatik münasibətləri kəsmək üçün əsas görmür.
AzerVoice xəbər verir ki, bununla bağlı Polşanın xarici işlər naziri Radoslav Sikorski jurnalistlərə açıqlama verib.
“Diplomatiyada əlaqə kanalları yalnız dostlarla deyil, həm də rəqiblər və düşmənlərlə saxlanılır. Buna görə də hələlik diplomatik münasibətləri kəsmək üçün səbəb görmürəm” – deyə, o bildirib.
Xatırladaq ki, bundan əvvəl Polşa rəsmiləri sentyabrın 10-na keçən gecə pilotsuz uçuş aparatlarının dəfələrlə ölkənin hava məkanını pozduğunu açıqlamışdılar. Baş nazir Donald Tusk isə həmin PUA-ların Rusiya mənşəli olduğunu və bunun təxribat xarakteri daşıdığını bəyan etmişdi.