BAKI,AzerVoice, Fərid Mikayılov
Almaniya Baş naziri Fridrix Merts, ölkəsinin Ukraynaya hərbi qüvvə göndərməsi ilə bağlı müzakirələrə son nöqtəni qoyaraq, atəşkəs təmin olunana qədər Ukraynaya alman əsgərlərinin göndərilməyəcəyini bəyan edib.
AzerVoice xəbər verir ki, Merts bəyan edib ki, hazırda Ukraynanın müttəfiqləri arasında atəşkəs və sülh sazişindən sonrakı mərhələyə dair təhlükəsizlik zəmanətləri ilə bağlı danışıqlar davam edir.
Mertsin sözlərinə görə, Berlinin müəyyən ehtiyatlı mövqeyi var və hər hansı qərar yalnız Almaniya Bundestaqında müzakirədən sonra verilə bilər.
Merz vurğulayıb ki, istənilən razılaşma Rusiyaya qarşı deyil, əksinə, Rusiya ilə birgə mümkün ola bilər.
Merz, Rusiya prezidenti Vladimir Putinlə Ukrayna lideri Volodimir Zelenski arasında görüş təşkil olunması ehtimalına şübhə ilə yanaşıb. Onun fikrincə, Putin hazırda kifayət qədər təzyiq altında deyil və mövqeyini gücləndirib.
