BAKI, AzerVoice
İsrail Qəzzanı işğal planını təsdiqləyib.
AzerVoice xəbər verir ki, İsrailin müdafiə naziri Yisrael Katz Baş Qərargah rəisi Eyal Zamirin təqdim etdiyi Qəzza işğal planını təsdiqləyib. Plana əsasən, birinci mərhələdə təxminən 1 milyon fələstinli şəhərin cənubuna köçürüləcək, şəhər mühasirəyə alınacaq və intensiv hücumlardan sonra işğal ediləcək. İkinci mərhələdə Qəzzanın mərkəzində, əsasən xarabalığa çevrilmiş qaçqın düşərgələri işğal ediləcək.
Qeyd edək ki, İsrailin Təhlükəsizlik Kabineti avqustun 8-də Qəzzanın işğal planını təsdiqləyib və ordunun ehtiyatına 60 min əsgər çağırılıb, ehtiyac yaranarsa bu say 130 minə qədər artırıla bilər. Qəzza Zolağı 1967–2005-ci illərdə İsrail tərəfindən işğal edilmiş və hazırda 2,4 milyon fələstinli ağır blokada altında yaşayır.
