BAKI, Azervoice, Nərmin Ağayeva
İranda 20 vilayətdə həddindən artıq isti səbəbilə dövlət müəssisələri bağlanır.
Azervoice xəbər verir ki, İranda artan istilər və yüksək enerji tələbatı səbəbindən 20 vilayətdə dövlət qurumları 6 avqust tarixində fəaliyyətini dayandıracaq.
Qərar enerji istehlakını azaltmaq məqsədi daşıyır.
Fars Xəbər Agentliyinin məlumatına görə, tədbir Tehran, Fars, Ərdəbil, Kohgiluye-Boyer Əhməd, Gülistan, Rəzəvi Xorasan, Çaharmahal-Bəxtiyari, Buşehr, Cənubi Xorasan, Yəzd, İsfahan, Hörmüzqan, Kirman, Əlborz, Şərqi Azərbaycan, Qərbi Azərbaycan, Semnan, İlam, Qum və Gilan vilayətlərini əhatə edəcək.
Qeyd edək ki, paytaxt Tehranda da son günlər yüksək enerji tələbatını azaltmaq üçün müxtəlif bölgələrdə gündəlik iki saatlıq elektrik kəsintiləri tətbiq edilir. İsti hava şəraiti fonunda səlahiyyətlilər vətəndaşlara enerji resurslarına qənaət etmələri üçün müraciət ediblər.
