BAKI, AzerVoice, Zeynəb Raminqızı

Avropa İttifaqı Komissiyası, Qəzzanın "gələcək Fələstin dövlətinin ayrılmaz hissəsi" olduğunu bəyan edib.

AzerVoice xəbər verir ki, Aİ Komissiyasının sözçülərindən Anitta Hipper Brüsseldə keçirilən gündəlik mətbuat konfransında jurnalistlərin Qəzza ilə bağlı suallarını cavablandırıb.

Anitta Hipper, İsrail Baş Naziri Binyamin Netanyahunun Qəzza Zolağının tamamilə işğalına qərar verdiyi barədə yayılan xəbərlərə münasibət bildirib.

Hipper əsirlərin azad edilməsini və Qəzzada davamlı atəşkəsin təmin olunmasını tələb edib, eyni zamanda Həmasın Qəzzanın gələcək "idarəçiliyi və təhlükəsizliyində heç bir rolu olmamalı" olduğunu vurğulayıb.

Hipper əlavə edib ki, Kallas öz səylərini əlaqəli tərəflərlə əlaqə quraraq Qəzzaya "təxirəsalınmaz və dərhal humanitar yardımın çatdırılması"na yönəldib.

Qeyd edib ki, İsrailin hücumları və humanitar yardımı məhdudlaşdıran sıx mühasirə altında olan Qəzza Zolağı aclıq, su, dərman, tibbi ləvazimat və gigiyena vasitələrinin çatışmazlığı səbəbindən insani fəlakətlə üzləşib. 7 Oktyabr 2023-dən etibarən Qəzzada aclıqdan, o cümlədən 94-ü uşaq olmaqla, 188 nəfər həyatını itirib.