BAKI, AzerVoice

İsraildə Ultra-Ortodoks yəhudilərin (Haredilərin) hərbi xidmətə cəlb olunmaması məsələsində israr edən baş nazir Benyamin Netanyahunun başçılıq etdiyi Likud Partiyasının deputatı Yuli Edelşteyn parlamentdəki komitə sədri vəzifəsindən uzaqlaşdırılıb.

AzerVoice xəbər verir ki, bu barədə "Yedioth Ahronoth" qəzeti məlumat verib.

Məlumata görə, Likud Partiyasının deputatları arasında keçirilən səsvermə nəticəsində Yuli Edelşteyn İsrail Parlamentinin Xarici Əlaqələr və Müdafiə Komitəsinin sədri vəzifəsindən azad edilib və onun yerinə deputat Boaz Bismut təyin olunub.

Səsvermədə 29 deputat Edelşteynin vəzifədən azad edilməsinin lehinə, yalnız dörd nəfər isə əleyhinə səs verib.

Qeyd edək ki, Edelşteynin, ultra-ortodoks partiyaların (Haredilərin) məcburi hərbi xidmətdən azad edilməsini nəzərdə tutan qanunvericilik tələbinə qarşı çıxıb.

Haredilərin hərbi xidmətdən azad edilməsini təmin edəcək qanunun qəbul olunmaması halında istefa verəcəklərini açıqlayan Ultra-Ortodoks partiyaların nümayəndələri ilə ötən həftə parlamentdə görüşən Edelşteyn, onların narahatlıqlarını nəzərə alaraq yeni bir qanun layihəsi təqdim etmişdi.

Lakin Haredi partiyaları – Şas və Birləşmiş Tövrat Yəhudiliyi bu yeni layihənin onların tələblərini qarşılamadığını bildirərək hökumətdən istefa etdiklərini bildirmişdilər.

Nəticədə Netanyahu hökuməti 120 nəfərlik parlamentdə sadəcə 50 deputatın dəstəyi ilə azlıq hökumətinə çevrilmişdi.

Edelşteyn isə Haredi partiyaların hərbi xidmət qanununun qəbul edilməməsi səbəbilə koalisiyadan ayrılmasından sonra verdiyi açıqlamada, Haredilərin hərbi xidmətə cəlb edilməsinin vacib olduğunu və xidmətdən yayınanlara qarşı sanksiyalar tətbiq olunmalı olduğunu bildirmişdi.