7
BAKI, AzerVoice
Yəməndən işğal olunmuş ərazilərə doğru raket zərbələri nəticəsində, İsrail hava məkanını bağlayıb.
AzerVoice xəbər verir ki, bu barədə İsrailin “Channel 12” telekanalı bildirib.
Eyni zamanda, ölkənin əsas beynəlxalq nəqliyyat qapısı olan Ben Qurion Hava Limanında da uçuş və eniş əməliyyatları müvəqqəti olaraq dayandırılıb.
Hadisə ilə bağlı hazırkı mərhələdə dağıntılar və insan tələfatı barədə məlumat verilməyib.
Təhlükəsizlik qüvvələri ərazidə vəziyyəti nəzarətdə saxlamağa çalışır, müvafiq qurumlar hadisənin miqyasını və raketin dəqiq mənşəyini araşdırır.
İsrail tərəfi hücuma cavab olaraq regionda təhlükəsizlik tədbirlərini gücləndirib və əlavə müdafiə sistemlərinin işə salındığını bildirib.
