BAKI, AzerVoice, Nailə Babazadə
Bu barədə qərar ölkənin rəsmi qəzetində dərc olunub. Sənədə əsasən, hökumətə bağlı xüsusi komissiya “Husilər” və “Hizbullah”la əlaqəsi olan bütün şəxslərin və qurumların aktivlərinin dərhal dondurulmasını qərara alıb.
AzerVoice xəbər verir ki, məlumata görə, İraq, həmçinin dünyanın müxtəlif ölkələrindən 100-dən çox təşkilat və şəxsi terror siyahısına əlavə edib. Siyahıya daxil edilənlərin bir hissəsi barəsində artıq BMT Təhlükəsizlik Şurasının sanksiya qərarları mövcuddur.
Rəsmi Bağdad bu addımı regional təhlükəsizlik risklərinin artması, Qırmızı dənizdə gəmilərə hücumlar, bölgədə İranın dəstəklədiyi qrupların fəaliyyətinin genişlənməsi fonunda atdığı bildirilir.
Qərar həm regionda siyasi balanslara, həm də İran–İraq münasibətlərinə ciddi təsir göstərə biləcək mühüm addım kimi qiymətləndirilir.