BAKI, AzerVoice, Nailə Babazadə
Mübahisələrin alternativ həlli mexanizmi kimi mediasiya müasir hüquq sistemində getdikcə daha mühüm yer tutur. Bu mexanizm məhkəmələrin yükünü azaltmaqla yanaşı, iqtisadi qənaət yaradır, biznes mühitini sağlamlaşdırır və cəmiyyətdə sosial sabitliyə töhfə verir. Quba 1 saylı Mediasiya Təşkilatının direktoru, mediator-hüquqşünas Hümmət Əliyev AzerVoice-ə müsahibəsində mediasiyanın iqtisadiyyat və cəmiyyət üçün yaratdığı üstünlüklərdən danışıb.
Mediasiya məhkəmə yükünü necə azaldır
Hümmət Əliyev bildirir ki, mediasiya mübahisələrin məhkəməyə çatmadan, daha qısa müddətdə və qarşılıqlı razılıq əsasında həllinə imkan yaradır. Bu isə məhkəmələrdə baxılan işlərin sayının azalmasına və ədalət mühakiməsinin daha operativ həyata keçirilməsinə şərait yaradır.
Mediasiya iqtisadi baxımdan qənaət yaradır
Mediator əlavə edir ki, mediasiya tərəfləri uzunmüddətli məhkəmə xərclərindən, vaxt və resurs itkisindən qoruyur. Bu mexanizm həm dövlət, həm də vətəndaşlar üçün daha səmərəli və qənaətcil həll yolu təqdim edir.
İqtisadi sabitlik və investisiya mühiti
Hümmət Əliyev vurğulayır ki, mediasiya iqtisadi münasibətlərdə sabitlik və etimad mühiti yaradır. Mübahisələrin sürətli və sülh yolu ilə həlli investisiya risklərini azaldır və sahibkarlıq fəaliyyətini stimullaşdırır.
Biznes mühitinə təsiri
Mediasiya tərəflər arasında münasibətlərin qorunmasına imkan verir. Bu isə biznes mühitində uzunmüddətli əməkdaşlığın davam etməsinə və sağlam rəqabətin formalaşmasına müsbət təsir göstərir.
Dövlət dəstəyi və sahənin inkişafı
Hümmət Əliyev qeyd edir ki, dövlətin mediasiya sahəsinə investisiyası bu institutun davamlı inkişafı üçün əsas şərtlərdəndir. Peşəkar mediatorların hazırlanması, ictimai maarifləndirmə və institusional inkişaf sosial və iqtisadi sabitliyə xidmət edir.
Ünvan: Quba şəhəri, Heydər Əliyev prospekti,
"İlqaroğlu" Business Center, II mərtəbə.
Tel.mob: (+994) 77 450.77.44, (+994) 77 450.77.44
E/ünvan: [email protected]
Şabran ofisi:
Ünvan: Şabran şəhəri, Zərifə Əliyev küç., (Şabran Məhkəməsinin qarşısı)
Tel.mob: (+994) 77 588.77.44