BAKI, AzerVoice
ABŞ prezidenti Donald Tramp sabiq prezident Barak Obamanı 2016-cı il prezident seçkilərinin nəticələrini pozmaq məqsədilə dələduzluq törətməkdə ittiham edib.
AzerVoice xəbər verir ki, bu barədə Tramp "Truth Social" platformasında yazıb.
O, "Fox News" telekanalının jurnalistini Obamanın seçkiləri saxtalaşdırmaqla bağlı ifşaedici çıxışına görə tərifləyib və eyni zamanda ABŞ Milli Kəşfiyyat İdarəsinin rəhbəri Tulsi Qabbardı da yüksək qiymətləndirib.
“Fox News-dan gənc və istedadlı Harrison Filds əla iş görüb. Ekspert qrupu Obamanın və yeni ifşa olunmuş dələduzluq şəbəkəsinin hüquqi məsuliyyətə cəlb olunması təklifində çox güclü çıxış etdi” – deyə, Tramp bildirib.
Xatırladaq ki, ABŞ Milli Kəşfiyyat İdarəsi araşdırma apararaq keçmiş prezident Barak Obamanın və onun administrasiya üzvlərinin 2016-cı ildə Donald Trampın qələbəsindən sonra seçki nəticələrini nüfuzdan salmaq üçün saxta məlumatlar, o cümlədən Trampın Rusiya ilə əlaqələri barədə yalanlar uydurduqlarına dair "inkarolunmaz sübutlar" aşkara çıxarıb və ictimaiyyətə təqdim edib.