10
BAKI, AzerVoice
İsrailin Baş naziri Benyamin Netanyahu, Papa XIV Leo ilə telefon danışığı zamanı Qəzzadakı Müqəddəs Ailə Kilsəsində baş verən insidentə görə təəssüfünü bildirib.
AzerVoice xəbər verir ki, bu barədə Netanyahunun ofisi məlumat yayıb.
"Netanyahu hadisə nəticəsində həlak olanların ailələrinə başsağlığı verib. O, həmçinin HƏMAS-la razılaşma yolu ilə girovların azad edilməsi istiqamətində aparılan səylər barədə papaya məlumat verib" - deyə, məlumatda qeyd olunub.
Xatırladaq ki, bundan əvvəl Papa XIV Leo Qəzza zolağında atəşkəsin elan olunması və müharibənin dayandırılması çağırışı ilə çıxış etmişdi. O, Qəzza zolağında humanitar vəziyyətin son dərəcə ağırlaşmasından narahat olduğunu bildirib.
