BAKI, AzerVoice
Bu gün səhər saatlarında İsrailin Qəzza zolağında həyata keçirdiyi hücumlar nəticəsində əksəriyyəti qadın və uşaqlar olmaqla 28 fələstinli həyatını itirib.
AzerVoice verir ki,Qəzzanın müxtəlif bölgələrində mülki əhali, o cümlədən evlərdə, çadırlarda və uşaq yeməkləri paylama məntəqələrində gözləyən fələstinlilər hədəf alınıb.
İsrail ordusu Qəzzanın mərkəzindəki Deyr əl-Bələhdə sağlamlıq mərkəzinin yaxınlığında qida paylanması üçün gözləyən fələstinliləri pilotsuz uçan aparatı ilə vurub. Hücumda əksəriyyəti uşaq və qadınlardan ibarət 13 fələstinli həlak olub.
Bureyj Qaçqınlar Düşərgəsində bir fələstinlinin evi hədəfə alınıb, 4 ailə üzvü həlak olub.
Nusayrat Qaçqınlar Düşərgəsində mülki əhalinin toplaşdığı ərazi və bir evi hədəf alan iki hücumda 2 fələstinli ölüb, 10 nəfər yaralanıb.
Qəzza zolağının cənubundakı Mavassi bölgəsində Fələstin çadırlarını hədəf alan hücumda ikisi uşaq olmaqla 5 nəfər ölüb, 20 nəfər yaralanıb.
Qərbi Muəskərdə hücum zamanı bir ana və üç uşağının ölümü, ən azı 20 nəfərin yaralanması ilə nəticələnib.
Bildirilib ki, İsrail əsgərləri Xan Yunis və Qəzzanın şərqindəki ərazilərdə “deportasiya” elan etdikdən sonra bir neçə evi dağıdıb. Gecə boyu bölgəyə aramsız artilleriya atəşləri və hava hücumları davam edib.
