BAKI, AzerVoice
ABŞ avqustun 1-dən etibarən Əlcəzair, Liviya və İraq da daxil olmaqla bir sıra ölkələrdən idxal olunan bütün mallara rüsum tətbiq edəcək.
AzerVoice xəbər verir ki, bu barədə ABŞ prezidenti Donald Tramp "Truth Social" platformasında məlumat verib.
O qeyd edib ki, Vaşinqton avqustun 1-dən etibarən bu üç ölkədən idxal olunan məhsullara 30 faiz həcmində gömrük rüsumu tətbiq edəcək. Bundan əlavə, Trampın sözlərinə görə, Bruneydən gətirilən mallara tətbiq ediləcək rüsum 25 faiz olacaq.
Bundan əvvəl Tramp bəyan etmişdi ki, ABŞ BRİKS birliyinin üzvləri üçün 10 faizlik idxal rüsumu tətbiq edəcək.
ABŞ maliyyə naziri Skott Bessentin sözlərinə görə, yeni gömrük rüsumları sayəsində ABŞ il sonuna qədər 300 milyard dollardan çox gəlir əldə etməyi planlaşdırır.
Bundan əvvəl ABŞ Avropa İttifaqına tarif razılaşması təklif etmişdi.
