BAKI, AzerVoice
HƏMAS ilə İsrail hakimiyyəti Qəzza zolağında atəşkəsin təmin olunması və anklavda saxlanılan girovların azad edilməsi üzrə razılaşmaya yaxınlaşırlar.
AzerVoice xəbər verir ki, bu barədə İsrailin baş naziri Benyamin Netanyahu bildirib.
“Məncə, biz razılaşmaya getdikcə yaxınlaşırıq, hesab edirəm ki, onun əldə olunması üçün pis olmayan şanslar var” – deyə, o qeyd edib.
Qeyd edək ki, iyulun 6-da HƏMAS və İsrail Misir, Qətər və ABŞ-ın vasitəçiliyi ilə Qəzza zolağında atəşkəs və israilli girovların azad olunması məqsədilə Dohada danışıqları yenidən başlayıblar. “Al Arabiya” telekanalının bazar ertəsi yaydığı məlumata görə, danışıqlar müsbət atmosferdə keçir, lakin hələlik ciddi irəliləyiş qeydə alınmayıb. “Reuters” agentliyinin məlumatına əsasən, İsrailin Qəzza zolağına humanitar yardımın maneəsiz və təhlükəsiz şəkildə çatdırılmasına zəmanət verməkdən imtina etməsi danışıqlardakı əsas problemli məqam olaraq qalır.
