BAKI, AzerVoice
Braziliya prezidenti Lula da Silva BRİKS sammitində Qəzzadakı soyqırımın gözardı edilməməsinə dair çağırış edib.
AzerVoice xəbər verir ki, Braziliya
prezidenti Luiz İnasio Lula da Silva Rio-de-Janeyroda keçirilən
BRİKS sammitinin birinci plenar sessiyasında çıxış edərək, İsrailin
Qəzzada həyata keçirdiyi hərbi əməliyyatlara beynəlxalq cəmiyyətin
səssiz qalmasının yolverilməz olduğunu bildirib.
O, çıxışında HƏMAS-ın 2023-cü il oktyabrın 7-də İsrailə qarşı
törətdiyi hücumlara heç bir bəraət qazandırılmadığını desə də,
İsrailin Qəzzada dinc əhaliyə qarşı həyata keçirdiyi qırğınlar,
aclığın silah kimi istifadə edilməsi və humanitar fəlakətə məhəl
qoyulmamasını tənqid edib.
Qeyd edək ki, Birləşmiş Millətlər Təşkilatının tanıdığı mənbələrə görə, İsrailin cavab hücumları nəticəsində Qəzzada 57 mindən çox fələstinli həyatını itirib. BRİKS sammitində İran, Rusiya kimi İsraillə münasibətləri fərqli olan ölkələrin iştirakı fonunda bu məsələ ilə bağlı ortaq mövqe axtarışları davam edir.
