BAKI, AzerVoice
Braziliyada keçirilən BRİKS sammitində iştirak edən ölkələrin liderləri Suriya ilə bağlı birgə bəyanat yayıblar.
AzerVoice xəbər verir ki, bəyanatda Suriyanın suverenliyi və ərazi bütövlüyünə hörmət olunmasının vacibliyi vurğulanıb.
“Biz Suriyanın suverenliyinin, müstəqilliyinin, birliyinin və ərazi bütövlüyünün qorunmasının tərəfdarı olduğumuzu bir daha təsdiqləyirik” – deyə, sammitin yekunlarına dair sənəddə qeyd olunub.
Liderlər eyni zamanda, son aylar ərzində Suriyanın bir neçə vilayətində bəzi əhali qruplarına qarşı həyata keçirilmiş hücumları qınayıblar.