BAKI, AzerVoice
ABŞ Prezidenti Donald Trampın administrasiyası Harvard Universitetinə məktub göndərərək, aparılan araşdırma nəticəsində universitetin israilli tələbələrlə rəftarı səbəbilə federal vətəndaş hüquqları qanununu pozduğunu bildirib.
AzerVoice xəbər verir ki, bu barədə “Wall Street Journal” qəzeti məlumat yayıb.
“Təxirəsalınmaz şəkildə lazımi dəyişikliklər edilməzsə, bu, universitetin bütün federal maliyyə resurslarını itirməsinə və hökumətlə münasibətlərinə mənfi təsir göstərməyə davam edəcək” - deyə, məktubda qeyd olunub.
Bundan əvvəl Tramp bildirib ki, Harvard və digər nüfuzlu Amerika universitetlərində dəyişiklik etməyə çalışır, çünki onların "solçu ideologiyanın əsirinə" çevrildiyini və "antisemitizmin yuvası" olduqlarını hesab edir.