BAKI, AzerVoice
Nyu-Yorkda fövqəladə vəziyyət elan edilib.
AzerVoice xəbər verir ki, Nyu-York
şəhəri və ətraf bölgələrdə temperaturun kəskin yüksəlməsi səbəbilə
fövqəladə vəziyyət elan olunub.
ABŞ Milli Meteoroloji Xidmətinin (NWS) məlumatına əsasən, şəhərdə
havanın temperaturu 32–35°C arasında dəyişir, yüksək rütubət isə
hiss edilən temperaturu 38°C-dən yuxarı qaldırır.
İstilərin artması fonunda Nyu-York ştatının qubernatoru Keti Hoçul şəhərin beş rayonu da daxil olmaqla 32 əyalətdə fövqəladə vəziyyət rejimi elan edib. Qubernator sakinləri zərurət olmadıqca açıq havaya çıxmamağa, soyuducu məkanlarda qalmağa və susuzluqdan qorunmağa çağırıb.
Ştat rəsmiləri ictimai sığınacaq mərkəzlərinin fəaliyyətə başladığını və zəif təbəqələr – yaşlılar, uşaqlar və xroniki xəstəlikləri olanlar üçün xüsusi tədbirlər görüldüyünü açıqlayıblar.
Qeyd edək ki, istilik dalğası yalnız Nyu-Yorkla məhdudlaşmır – Tri-State bölgəsinin (Nyu-York, Nyu-Cersi və Konnektikut) böyük hissəsində də oxşar hava şəraiti müşahidə olunur. Uzmanlar bu tip hava şəraitinin iqlim dəyişikliyinin nəticəsi ola biləcəyini vurğulayırlar.
