BAKI, AzerVoice, Səməd Əyyubov
Cümhuriyyət Xalq Partiyasının (CHP) sədri Özgür Özəl, Türkiyə Prezidenti Rəcəb Tayyib Ərdoğana qarşı işlətdiyi təhqiramiz ifadələrə görə Ankara Respublika Baş Prokurorluğu tərəfindən istintaqa cəlb edilib.
AzerVoice xəbər verir ki, bu barədə Türkiyənin ədliyyə naziri Yılmaz Tunç açıqlama verib.
“Onun bu sözləri 86 milyon vətəndaşın iradəsini təmsil edən şəxsə qarşı açıq hücumdur. Siyasət ədəb və əxlaq çərçivəsində aparılmalıdır. Özəlin dili isə artıq sadəcə üslub məsələsi olmaqdan çıxaraq siyasi nəzakət hədlərini aşan bir hal alıb” - deyə, o qeyd edib.
Yılmaz Tunç əlavə edib ki, qarayaxma və təhqir yolu ilə siyasət aparanlara xalq indiyədək olduğu kimi, bundan sonra da imkan verməyəcək.