BAKI, AzerVoice
Böyük Britaniyanın Baş naziri Keir Starmer, Putinin danışıqlardan imtinasına görə məsuliyyət daşımalı olduğunu bildirib.
AzerVoice xəbər verir ki, Starmer
Albaniyanın paytaxtı Tiranada keçiriləcək Avropa Siyasi Qrupunun
sammiti öncəsi verdiyi açıqlamada, Rusiya prezidenti Vladimir
Putinin Ukrayna ilə sülh danışıqlarından yayındığını və bunun
nəticələrinə görə cavabdeh olduğunu deyib.
“Tam və qeyd-şərtsiz atəşkəs təmin olunmalıdır və əgər Rusiya
danışıqlara qatılmaqdan imtina edərsə, Putin bunun bədəlini
ödəməlidir” - deyə o bildirib.
Starmer, Putinin danışıqlardan yayınmasının qəbuledilməz
olduğunu vurğulayıb.
Sammit çərçivəsində Kiyevin müttəfiqləri Rusiya üzərində təzyiqləri
artırma yollarını müzakirə edəcəklər. London və Paris, Moskva
atəşkəsə razılaşmadığı təqdirdə Rusiyanın enerji sektorunu
hədəfləyən yeni sanksiyalar tətbiq edə biləcəklərini
bildiriblər.
Qeyd edək ki, bu bəyanatlar Rusiya və Ukrayna nümayəndə heyətlərinin iştirak edəcəyi İstanbul danışıqları ərəfəsində səslənib. Həm Vladimir Putin, həm də Volodimir Zelenski həmin görüşdə şəxsən iştirak etməyəcək.
