BAKI, AzerVoice
İsrailin müdafiə naziri İsrael Kats bildirib ki, İsrail Ordusuna Qəzza zolağında HƏMAS-ın mövqelərinə hücumu danışıqlardan asılı olmayaraq davam etdirməyi əmr edib.
AzerVoice xəbər verir ki, bu barədə Katsın "X" sosial şəbəkəsində verdiyi açıqlamada deyilir.
“Mən İsrail Ordusuna bütün hədəflərə qarşı hücumu danışıqlardan asılı olmayaraq davam etdirməyi və əsgərləri qorumaq, eləcə də HƏMAS qatillərini məhv etmək üçün hava, quru və dənizdən bütün zəruri vasitələrdən istifadə etməyi tapşırdım” – deyə, nazir yazıb.
“Bizə qarşı vuruşan və adam öldürənlər bunun tam əvəzini ödəyəcəklər”- deyə, o əlavə edib.
Kats, həmçinin may ayının sonunda verdiyi bəyanatını bir daha təkrarlayıb: “HƏMAS ya girovları azad edəcək, ya da tamamilə məhv ediləcək”.