BAKI, AzerVoice
ABŞ Prezidenti Donald Tramp may ayının ortalarında Səudiyyə Ərəbistanına edəcəyi səfər zamanı Fars Körfəzi ölkələrinin dövlət başçıları ilə görüş keçirməyi planlaşdırır.
AzerVoice xəbər verir ki, bu barədə Axios portalı məlumat yayıb.
Məlumata görə, Tramp sammit zamanı ABŞ-ın Yaxın Şərqdəki məqsədlərini izah etməyi planlaşdırır. Görüşün Səudiyyə Ərəbistanının vəliəhdi və baş naziri Məhəmməd bin Salman Al Səudun dəvəti ilə keçiriləcəyi gözlənilir.
Sammitdə Səudiyyə Ərəbistanı ilə yanaşı, Fars Körfəzi Ərəb Dövlətləri Əməkdaşlıq Şurasına daxil olan digər ölkələrin – Bəhreyn, Qətər, Küveyt, BƏƏ və Oman liderlərinin də iştirakı gözlənilir. Görüşün mayın 14-də baş tutacağı ehtimal olunur.
Qeyd edək ki, Ağ Ev daha əvvəl Trampın 13–16 may tarixlərində Yaxın Şərqə səfər edəcəyini, səfər çərçivəsində onun Səudiyyə Ərəbistanı, Qətər və BƏƏ-ni ziyarət edəcəyini açıqlamışdı.
