BAKI, AzerVoice
Sosial mediada gündəmdə olan “Simpsonlar ” – 2025-ci il üçün olan proqnozları narahatlıq doğurur.
AzerVoice xəbər verir ki, ABŞ-ın ən uzunömürlü animasiya seriallarından biri olan The Simpsons yenidən proqnozları ilə gündəmdədir
Sosial şəbəkələrdə milyonlarla istifadəçi 2023-cü ildə yayımlanmış bir bölümə istinad edərək Avropada baş verən son elektrik kəsintisini serialda öncədən proqnozlaşdırıldığına inanır. Bu isə “Simpsonlar hər şeyi əvvəlcədən bilirlər” fikrini bir daha gündəmə gətirib.
Son hadisə İspaniya və Portuqaliyada milyonlarla insanı əhatə edən genişmiqyaslı enerji böhranı ilə bağlıdır. İzləyicilər Simpsons serialında cənab Burns obrazının 28 fevral 2025-ci ildən sonra enerji ehtiyatlarının tükənəcəyi barədə xəbərdarlığını xatırladaraq bu bənzərliyi təsadüf yox, "şüurlu istinad" kimi dəyərləndirirlər.
Qeyd edək ki, serialın əvvəlki mövsümlərində də 2025-ci illə bağlı bir neçə ciddi proqnoz yer alıb. Bunlara günəş fırtınası nəticəsində bütün elektron sistemlərin sıradan çıxması, ABŞ dollarının dəyərini itirməsi və ətraf mühitin çirklənməsi səbəbilə nəhəng günbəzlərin tikilməsi kimi ssenarilər daxildir.
Bəzi tədqiqatçılar günəş fırtınası ssenarisini real təhlükə kimi qiymətləndirirlər. Onların fikrincə, belə bir hadisə təxminən hər 100 ildən bir baş verir və ciddi texnoloji fəsadlara səbəb ola bilər. Son oxşar hadisənin 1921-ci ildə baş verdiyi bildirilir və bu, 2025-ci il üçün narahatlıqları artırır.
Simpsons daha əvvəl də bir sıra hadisələri dəqiqliklə “proqnozlaşdırması” ilə tanınıb. Bunlara Donald Trampın prezident seçilməsi, Ebola virusunun yayılması, 11 sentyabr hücumları və ağıllı saat texnologiyasının inkişafı daxildir.
Serialın bu cür bənzərliklərlə dolu ssenariləri sosial mediada sui-qəsd nəzəriyyələrinin və serialın "gələcəyi bildiyi" ilə bağlı mübahisələrin artmasına səbəb olub.