BAKI, AzerVoice
Çin Birləşmiş Ştatlara qarşı iqtisadi müharibə aparır və məhz bu siyasət ABŞ prezidenti Donald Trampın ticarətdə radikal proteksionist tədbirlər görməsinə səbəb olub.
AzerVoice xəbər verir ki, bu haqda ABŞ prezidentinin milli təhlükəsizlik üzrə köməkçisi Mayk Uolts bildirib.
“Donald Tramp nəhayət, Çindən gələn təhdidi açıq şəkildə qiymətləndirir. Tramp yalnız Çinin davamlı aldatmalarını, intellektual mülkiyyət oğurluqlarını deyil, həm də Birləşmiş Ştatlara qarşı aparılan iqtisadi müharibəni də qiymətləndirir ki, məhz buna qarşı gömrük tariflərimiz yönəlib” – deyə, Uolts qeyd edib.
Onun sözlərinə görə, ABŞ hökuməti amerikalı şirkətlərin Çinin hərbi-sənaye sektoruna investisiya yatırmasının qarşısını almaq üçün bütün zəruri tədbirləri görəcək.
Xatırladaq ki, bundan əvvəl Çin Xarici İşlər Nazirliyinin rəsmi nümayəndəsi Qo Ciaokun qeyd etmişdi ki, Pekin Vaşinqtonu tarif təzyiqlərindən imtina etməyə və qarşılıqlı hörmət əsasında dialoqa başlamağa çağırır.