BAKI,AzerVoice, Nailə Babazadə
ABŞ-ın Afrika Komandanlığının (AFRICOM) komandanı general Daqvin Anderson Nigeriyaya kiçik bir hərbi qrupun göndərildiyini açıqlayıb. Bu barədə məlumat ABŞ Dövlət Departamentinin rəsmi internet saytında yer alıb.
AzerVoice xəbər verir ki, general Anderson ötən il Romada keçirilən tədbir çərçivəsində Nigeriya Prezidenti Bola Ahmed Tinubu ilə görüşdüyünü xatırladıb. Komandanın sözlərinə görə, həmin görüşdə tərəflər regionda təhlükəsizlik sahəsində birgə fəaliyyət göstərmək və əməkdaşlıq etmək barədə razılığa gəliblər.
Aparılan müzakirələrin nəticəsi olaraq, Nigeriya hökumətinə dəstək məqsədilə ABŞ hərbi personalından ibarət kiçik bir heyət ölkəyə ezam olunub. General qeyd edib ki, bu addım iki ölkə arasındakı hərbi əlaqələri gücləndirmək və regional sabitliyə töhfə vermək məqsədi daşıyır.
Hərbi heyətin Nigeriyaya konkret hansı tarixdə çatdığı və orada nə qədər müddət qalacağı barədə isə hələlik dəqiq məlumat verilmir.