BAKI, AzerVoice
ABŞ Prezidenti Donald Tramp, Ukrayna prezidenti Volodimir Zelenski ilə Vatikanda görüşünü davam etdirməkdən imtina edib.
AzerVoice xəbər verir ki, bu barədə Ukrayna KİV-i məlumat yayıb.
Məlumata görə, Tramp gündəlik planına əsasən Papanın dəfnindən sonra Romanı tərk etməli olduğuna görə, danışıqları davam etdirməyə vaxtı olmayıb. Buna baxmayaraq, Tramp və Zelenski arasında qısa bir görüş baş tutub. Bu görüş Müqəddəs Pyotr Katedralında təxminən 15 dəqiqə davam edib.
Bundan əvvəl, Tramp və Zelenski arasında danışıqların dəfn mərasimindən sonra davam edəcəyinə dair razılıq əldə edildiyi bildirilmişdi.
Mənbələrə görə, Tramp, həyat yoldaşı Melaniya ilə birgə Romaya gəlib və burada Papanın dəfn mərasimində iştirak etməli idi. O, bu səfər çərçivəsində, həmçinin Böyük Britaniya Baş Naziri Kir Starmer və İtaliya Baş Naziri Ciorcia Meloni ilə də görüşməli idi.