Bakı,AzerVoice

İsrailin baş naziri Benyamin Netanyahunun ABŞ Konqresindəki çıxışına "Anlaşmanı İNDİ İmzala" yazılmış köynəklər geyinərək etiraz etdiyi üçün saxlanılan 6 israilli məhbusun yaxını ABŞ-da məhkəməyə çağırılıb.

AzerVoice xəbər verir ki, İsraildən yayımlanan Kanal 12-nin xəbərində Qəzzada saxlanılan israilli məhbusların 6 yaxınının Konqresdəki hərəkətlərinə görə məhkəməyə çağırıldığı bildirilib.

Yaxın vaxtlarda İsrailə qayıtmağı planlaşdıran məhbusların yaxınlarının avqustun ortalarında baş tutacaq dinləmələrə şəxsən qatılmamaq üçün çarə axtardıqları bildirilib. Həmçinin, ABŞ-daki İsrail səfirliyi də bu insanlara kömək etməyə çalışdığı qeyd olunub.

Qeyd edək ki, konqresdə Netanyahunu Qəzzada saxlanılan əsirlərin geri qaytarılmasına imkan yaradan məhbus mübadiləsi sazişini imzalamağa çağıraraq etiraz edən şəxslər polis tərəfindən tez bir zamanda saxlanılmışdı. Bildirilib ki, Qəzzada saxlanılan əsirlərin qohumları Michael Levy, Alon Gat, Gil Dickman, Carmit Palty Katzir, Leat Corinne və Shahar Mor adlı şəxslərdir.