BAKI, AzerVoice
Böyük Britaniyada işsizlik səviyyəsi 4,7 faizə yüksələrək son 4 ilin ən yüksək göstəricisinə çatıb.
AzerVoice xəbər verir ki, Böyük
Britaniyanın Milli Statistika İdarəsi (ONS) mart-may ayları üzrə
açıqladığı əmək bazarı hesabatında ölkədə işsizlik səviyyəsinin 4,6
faizlik gözləntini aşaraq 4,7 faiz olduğunu bildirib.
Bu göstərici 2021-ci ilin aprel-iyun dövründən bəri qeydə alınan ən
yüksək səviyyədir. Ekspertlər əmək bazarının soyumağa davam
etdiyini və işə qəbul planlarının demək olar ki, dayandığını qeyd
edirlər.
Qeyd edək ki, Deutsche Bank UK-nin baş iqtisadçısı Sanjay Raja əmək tələbinin zəif qaldığını və işsizliyin mərhələli şəkildə artacağını proqnozlaşdırıb. İş Fondunun sədri Metyu Elliot isə pandemiyadan sonra ödənişli məşğulluğun kəskin şəkildə azaldığını bildirib və hökuməti payız büdcəsində məşğulluğa önəm verən strategiya təqdim etməyə çağırıb.
