Bakı, AzerVoice
ABŞ-ın HƏMAS ilə, xüsusilə Qəzza zolağında saxlanılan İsrail vətəndaşlarının azad edilməsi üçün birbaşa danışıqlar aparması Təl-Əvivdə narahatlıq yaradıb.
AzerVoice-un məlumatına görə, İsrail Baş naziri Benyamin Netanyahunun ABŞ-ı açıq şəkildə tənqid etməkdən çəkinməsinə baxmayaraq, komandasında yer alan müşavirlərin ABŞ-ın HƏMAS ilə birbaşa danışıqlar aparmasından böyük narahatlıq keçirdiyi vurğulanıb.
ABŞ-ın danışıqlar zamanı HƏMAS-a Qəzza zolağındakı amerikalı vətəndaşların azad edilməsinin Tramp tərəfindən bir təminat kimi görüləcəyini və bundan sonra Trampın uzunmüddətli atəşkəs üçün təzyiq göstərə biləcəyini çatdırdığı bildirilib.
HƏMAS-ın Qəzzadakı amerikalı vətəndaşları azad etməsi müqabilində İsrail həbsxanalarından bir neçə fələstinli məhbusun sərbəst buraxılacağı məsələsinin də müzakirə edildiyi, lakin İsrailin buna qarşı çıxdığı və Vaşinqtonun da HƏMAS-ın cavabından məmnun qalmadığı iddia edilib.
