Bakı, AzerVoice
Sabah böyük bir gecə olacaq. Hər şeyi olduğu kimi danışacağam.
AzerVoice xəbər verir ki, bunu ABŞ prezidenti Donald Tramp Truth Social hesabında etdiyi paylaşımda deyib.
ABŞ Prezidenti Donald Tramp, Ukrayna Prezidenti Vladimir Zelenski ilə keçirdiyi gərgin görüşdən sonra yenidən gündəmdə qalmaqda davam edir.
"Ukraynanın heç bir torpağını Rusiyaya verməyən yeganə prezident Donald Trampdır. Demokratlar bunu tənqid edəndə və saxta xəbər mənbələri onların hər dediyini yayımlayanda bunu unutmayın",- deyə Tramp qeyd edib.
ABŞ Prezidenti Donald Tramp, ikinci dəfə prezident seçildikdən sonra ilk Konqres çıxışını çərşənbə axşamı edəcək.
Ağ Evdən verilən açıqlamaya görə, Tramp Konqresdə keçiriləcək birgə iclasda əsas gündəm məsələləri ilə bağlı fikirlərini paylaşacaq.
Yanvarın 20-də prezident vəzifəsinə başlayan Tramp, təxminən 6 həftə sonra Senat və Nümayəndələr Palatası üzvlərinin iştirak edəcəyi iclasda Amerika xalqına müraciət edəcək.
