Bakı. AzerVoice:

İsrailin baş naziri Benyamin Netanyahu fövqəladə hökumətdən istefa verən Milli Birlik Partiyasının lideri Benni Gantzı doğru zamanda istefa qərarı almadığı ilə bağlı tənqid edib.

AzerVoice xəbər verir ki, bu barədə Netanyahu öz sosial media platforması X hesabında etdiyi yazılı açıqlamada bildirib. O “Hey Benni (Gantz), İsrail bir çox cəbhədə həll edici müharibə aparır. İndi belə bir vəziyyətdə kənara çəkilmə vaxtı deyil, qüvvələri birləşdirməyin vaxtıdır”- deyə qeyd edib.

Qapısının sionist partiyalara açıq olduğunu qeyd edən Netanyahu, “Mənim qapım düşmənlərimizə qarşı qələbə çalmağa və vətəndaşlarımızın təhlükəsizliyini təmin etməyə hazır olan istənilən sionist partiyaya açıq olacaq” - deyə əlavə edib.

Qeyd edək ki, İsrailin Müharibə Kabinetinin üzvü Gantz dünən axşam saatlarında İsrailin Qəzza zolağına qarşı apardığı soyqırım müharibəsinin səkkizinci ayında Baş nazir Netanyahunun rəhbərlik etdiyi fövqəladə hökumətdən istefa verdiyini açıqlayıb.

Həmçinin, Gantzdan qısa müddət sonra İsrailin Müharibə Kabinetinin üzvü və keçmiş Baş Qərargah rəisi Gadi Eisenkotun da baş nazir Netanyahunun rəhbərlik etdiyi fövqəladə hökumətdən istefa verdiyi açıqlanmışdı.