Bakı,AzerVoice
Birləşmiş Ştatlar hələ də qalan boşluqları doldurmağın mümkün olduğuna inanır,AzerVoice xəbər verir ki, bunu Ağ Evin Milli Təhlükəsizlik Şurasının sözçüsü Con Kirbi deyib.
O qeyd edib ki, girovların azad edilməsi müqabilində Qəzzada atəşkəs razılaşması üzrə üzbəüz danışıqlar razılığa gəlmədən başa çatıb.
“ABŞ İsrailin Qəzza zolağının cənubundakı Rəfah şəhərində həyata keçirdiyi əməliyyatı narahatlıqla izləyir və dərhal Rəfah keçidini yenidən açılmasını istəyir”-deyə o bildirib.
Qeyd edək ki, İsrail ötən bazar ertəsi Qəzza zolağının cənubunda yerləşən Rəfah şəhərində hərbi əməliyyata başlayıb və Rəfah keçidinin Fələstin tərəfinə nəzarəti ələ keçirib.Bu Rəfah keçid məntəqəsinin bağlanmasına, insanların və yardım maşınlarının hərəkətinin dayanmasına səbəb olub.
İsrail iddia edir ki, bölgədə fəaliyyət göstərən 4 Həmas briqadasını məhv etməyə çalışır.
Rəfahın şərqindəki bölgələrdə müxtəlif Fələstin qruplaşmalarının üzvləri ilə İsrail qüvvələri arasında şiddətli toqquşmalar baş verib.
