BAKI,AzerVoice

Yuxuda şeytan görmək çox qədimdən bəri həm dini mənbələrdə, həm də xalq inanclarında ciddi xəbərdarlıq kimi qəbul edilmişdir. Belə yuxular adətən insanın həyatında yanlış qərar, fitnə-fəsad, aldadılma, əsəbi hərəkət, qısqanclıq, səhlənkarlıq və günaha meyil kimi mənəvi təhlükələrə işarə sayılır.

İslam təfsirlərinə görə
İslami yozumlarda yuxuda şeytan görmək insanın nəfsinə qalib gəlməməsi, haram və günah işlərə sürüşmə ehtimalı, həmçinin ətrafda olan hiyləgər və riyakar insanlarla bağlı xəbərdarlıqdır.
Şeytanla danışmaq – aldadılmağa açıq olmaq, yanlış məsləhətə qulaq asmaq.
Şeytanın qovulması – doğru yoldan sapmamağa qarşı müqavimət, tövbə və mənəvi güc.
Şeytanın insanı qorxutması – həyatda mövcud qorxu və narahatlıqların şişirdilməsi, ruhi gərginlik.
Belə yuxular həm də insanın gündəlik həyatında daha diqqətli, ayıq və ədalətli olması ilə bağlı xəbərdarlıq kimi yozulur.

Xalq mədəniyyətində yuxuda şeytan ,düşmənçilik, pis niyyətli insanlar, qeybət və iftira, ailə daxilində mübahisə, iş və məişətdə gözlənilməz problem kimi mənalara yozulmuşdur.

Əgər insan yuxuda şeytanı məğlub etdiyini, üzünə baxmadan qovduğunu görürsə, bu, çətinlikləri aşmaq, düşmənini susdurmaq və mənəvi yüksəliş kimi qəbul edilir.

Bəzi müasir psixoloqlar isə belə yuxuları daxili gərginlik, günahkarlıq hissi, həyatda edilən səhvə görə özünə qınaq və ya böyük stresslə əlaqələndirirlər. Bəzən bu cür yuxular uzunmüddətli qorxu, travma və ya dini həssaslıq nəticəsində yaranır.

Yuxuda şeytan görmək mənfi simvoldur, lakin onu məğlub etmək və qovmaq müsbət yozum sayılır. Əgər belə yuxular təkrar və narahatlıq vericidirsə, insanın həyatına, davranışına, sədaqətinə, doğru və yanlış addımlarına diqqət yetirməsi tövsiyə olunur.