BAKI, AzerVoice
İsrailin Hərbi Hava Qüvvələri, bu gün səhərdən etibarən Qəzza zolağına hava hücumları edib.
AzerVoice xəbər verir ki, bu barədə Fələstin mətbuatı məlumat verib.
Məlumata əsasən, hava hücumları nəticəsində ümumi 11 fələstinli həlak olub, bir çoxu isə yaralanıb. Qəzzanın Xan Yunis şəhərinə edilən hücumda bir uşaq aldığı xəsarətlərdən həlak olub. Hərbi Hava Qüvvələrinin, həmçinin, Netzarim istiqamətindəki ABŞ şirkətinin yardım mərkəzi yaxınlığına endirdiyi hava zərbəsi nəticəsində bir fələstinli ölüb, bir neçə nəfər isə yaralanıb. Rəfah şəhərinin qərbindəki eyni yardım mərkəzi yaxınlığında isə dörd fələstinli öldürülüb, çoxsaylı yaralılar var.
Bundan əlavə, Xan Yunisin qərbində yerləşən köçkün çadırlarına edilən hücum nəticəsində beş fələstinlinin, o cümlədən iki uşağın həlak olduğu bildirilib.
