BAKI, AzerVoice
İsrailin hücumları altında Qəzza zolağında atəşkəsin yaradılması üçün aparılan danışıqlarda vasitəçi ölkələrdən biri olan Misir, "Qəzza zolağında 60 günlük atəşkəsi əhatə edən razılaşma üzərində iş aparıldığını" açıqlayıb.
AzerVoice xəbər verir ki, Misirin xarici işlər naziri Bədr Əbdülati, ölkəsində yayımlanan "ON" televiziya kanalına verdiyi açıqlamada İsrailin hücumları altındakı Qəzzədə atəşkəslə bağlı danışıb.
Əbdülati, ABŞ və Qətərlə yanaşı Misirin də vasitəçilik etdiyi Qəzzədəki atəşkəs danışıqlarına toxunaraq “Hazırda təklif edilən və üzərində çalışdığımız plan, Qəzzədə 60 günlük bir atəşkəs qarşılığında bəzi israilli əsirlərin azad edilməsini nəzərdə tutur.” - deyə qeyd edib.
Nazir Qəzzəyə ən qısa zamanda humanitar yardım və tibbi ləvazimat çatdırılmasının vacibliyini vurğulayaraq bildirib ki, bu reallaşarsa, “atəşkəsin davamlılığı üçün lazımi dinamikanın əldə ediləcəyi” və bununla da 19 yanvarda imzalanan atəşkəs razılaşmasının ikinci mərhələsinə keçidin mümkün olacağı ümid edilir.
Əbdülati atəşkəsin gələcəyi ilə bağlı belə deyib:
“Davamlı həll və sabit atəşkəs arzulayırıq. Hal-hazırda
danışdığımız məsələ bunun ilk addımıdır.”
Nazir həmçinin ABŞ-ın Qəzzədəki münaqişənin həlli üçün "əhatəli bir baxış ortaya qoyduğunu" deyərək, ABŞ Prezidenti Donald Trampın bu mövzudakı baxışını təqdir etdiyini bildirib.
Əbdülati əlavə edib ki, İsraillə İran arasındakı atəşkəsdən sonra ABŞ diqqətini Qəzzədə atəşkəsə yönəldib və “gələcəkdə hər hansı bir razılaşmanın atəşkəsin davamlılığı üçün kifayət qədər zəmanətlər içerməli olduğu anlayışını” qəbul etdiyini vurğulayıb.
O, İsrailin atəşkəsdən sonra Qəzzəyə yenidən hücum etməməli
olduğunu bildirərək deyib:
“Əgər İsrail razılaşmadan sonra Qəzzəyə hücumlarını yenidən
başlatsa, bu, bölgədə böyük bir təhdid və sabitliksizlik mənbəyinə
çevriləcək.”
İsrail mediası isə iddia edib ki, ABŞ Prezidenti Donald Tramp ilə İsrailin Baş naziri Benyamin Netanyahu “Qəzzədə iki həftə ərzində atəşkəsin təmin olunması” mövzusunda razılığa gəliblər.
