BAKI, AzerVoice, Nailə Babazadə

İsrail ordusu, işğal altındakı Qərb Sahilində Fələstinli səhiyyə heyətinə hücum edib.

AzerVoice xəbər verir ki, Fələstin Qırmızı Aypara Cəmiyyəti, İsrailin Cenin şəhərindəki təcili yardım heyətinə hücum edib onları saxladığını açıqladı.

Fələstin Qırmızı Aypara Cəmiyyəti bildirib ki, İsrail ordusu, Qərb Sahilinin şimalında, Cenin şəhərinin qərbində yerləşən Yamun qəsəbəsində humanitar vəzifələrini yerinə yetirən təcili yardım heyətinə hücum edib, onları döyüb və təcili yardım avtomobilini saxlayıb.

Fələstin xəbər agentliyi WAFA-nın məlumatına görə, İsrail ordusu Yamuna basqın edib, səs bombaları atıb və fələstinliləri dükanlarını bağlamağa məcbur edib.

İsrailin bu ilin əvvəlindən bəri Fələstin torpaqlarına sahib olmaq üçün ümumilikdə 52 hərbi əmr verdiyi bildirilib.

İşğal altındakı Qərb Sahilin Beytüllahim şəhərində də İsrail ordusunun Merah Rabah kəndinə basqın edərək fələstinlilərin evlərinə zorla girdiyi, çox sayda fələstinlini saxlayıb döydüyü bildirilib.

Şahidlərin verdiyi məlumata görə, Qərb Sahilin cənubundakı El Halil şəhərinə bağlı İzna qəsəbəsinə basqın edən İsrail ordusu, fələstinlilərin evlərinə zorla girərək axtarış aparıb.

İsrailin 7 Oktyabr 2023-cü ildə Qəzza Zolağına hücuma başladığı gündən bəri işğal altındakı Qərb Sahili və Şərqi Qüdsdə fələstinlilərə qarşı saxlanmalar, basqınlar və hücumlarda artım müşahidə olunur.