BAKI,AzerVoice

İtaliya Baş naziri Corcia Meloni, Beynəlxalq Azadlıq Flotioliyasına qatılan İtaliya vətəndaşlarının təhlükəsizliyinin təmin olunacağını açıqlayıb. AzerVoice xəbər verir ki, Meloni sosial şəbəkələrdə etdiyi paylaşımda, hökumətin bu cür hallarda xaricdəki vətəndaşların müdafiəsi üçün hər zaman bütün tədbirləri gördüyünü bildirib.
Meloni, müxalifətdəki Demokratik Partiya (PD) lideri Elli Şlaynin sorğusuna cavab olaraq, Fələstinə həmrəylik məqsədilə yola çıxan flotilyaya qatılanlar arasında 4 deputatın da olduğunu xatırladıb. Baş nazir “Qəzzə üçün Qida” kampaniyasını yada salaraq, yardımların mövcud humanitar kanallar vasitəsilə göndərilməsinin daha doğru olduğunu, çünki böhran bölgəsinə səfərin riskləri artırdığını qeyd edib. Bununla belə, hökumətin vətəndaşların qorunması üçün bütün resurslarını səfərbər edəcəyini vurğulayıb.

BMT-dən tənqid
Roma Senatında çıxış edən BMT-nin Fələstin üzrə xüsusi məruzəçisi Françeska Albanese isə Meloninin açıqlamasını tənqid edib. O, “İtaliya, vətəndaşlarını riskə atmaq əvəzinə, beynəlxalq sazişlərdən doğan məsuliyyəti yerinə yetirərək Qəzzənin blokadasına qarşı öz gəmilərini göndərməlidir” deyib. Albanese həmçinin İsrailin Aralıq dənizi və ya Qəzza sularında hər hansı mülki gəmini dayandırmaq hüququ olmadığını bildirib.
İtaliyada dəstək aksiyaları keçirilir
Ölkənin müxtəlif şəhərlərində Fələstinə və Sumud Filosuna dəstək yürüşləri keçirilib. Belə ki, Milanda minlərlə insanın qatıldığı aksiyada iştirakçılar Fələstin bayraqları ilə Qəzzaya həmrəylik nümayiş etdiriblər.

Azadlıq Filosunun məqsədi
Beynılxaq Azadlıq Flotoliyasının məqsədi İsrailin Qəzzaya tətbiq etdiyi blokadanı yarmaq və Fələstinə beynəlxalq həmrəylik göstərməkdir. 44-dən çox ölkənin dəstəklədiyi bu təşəbbüs çərçivəsində flotilya 31 avqustda Barselonadan yola çıxıb. Eyni gün İtaliyanın Cenova limanından da 300 ton yardım yüklü gəmilər flotilyaya qoşulub.