BAKI, AzerVoice, Nərmin Ağayeva

İsrailin maliyyə naziri Bezalel Smotrich Əl-Əqsa məscidinin yerində Süleyman məbədinin tikintisi üçün maliyyə dəstəyi təklif edib.

AzerVoice xəbər verir ki, İsrailin ifrat sağçı maliyyə naziri Bezalel Smotrich Qərbi Qüdsdəki Beynəlxalq Konqres Mərkəzində keçirilən tədbirdə Qüds meri Moşe Liona işğal altındakı Şərqi Qüdsdəki Əl-Əqsa məscidinin yerində Süleyman məbədinin tikintisi üçün pul vəd edib. Smotrich minlərlə insanın qarşısında gülərək, “Mən sənə pul verəcəm, sən isə Məbədi tikəcəksən,” deyib. Buna cavab olaraq Lion, Smotrich-i “Yerusəlimin indiyə qədərki ən yaxşı maliyyə naziri” adlandırıb.

Bu açıqlama İsrailin Məbəd dağı ilə bağlı siyasətində dəyişiklik müzakirələrinin getdiyi həssas bir dövrdə səslənib. Eyni zamanda, milli təhlükəsizlik naziri İtamar Ben-Qvirin də daxil olduğu bəzi nazirlərin Məscidül-Əqsaya prosedurları pozaraq daxil olmaları və orada dua etmələri gərginliyi daha da artırıb. Fələstinlilər bu hərəkətləri Şərqi Qüdsün yəhudiləşdirilməsi və ərəb-islam kimliyinin silinməsi cəhdi kimi qiymətləndirir.

Qeyd edək ki, İsrailin 2003-cü ildən bəri fanatik yəhudi qruplarına Əl-Əqsa məscidinə basqın etməyə icazə verməsi və bu basqınların artması müsəlman aləmində ciddi narahatlıq doğurub, çünki Əl-Əqsa müsəlmanlar üçün müqəddəs bir məkandır və Şərqi Qüds beynəlxalq qətnamələrə əsasən Fələstin dövlətinin paytaxtı kimi qəbul edilir.