BAKI, AzerVoice, Səməd Əyyubov – Son 24 saat ərzində İsrailin Qəzza zolağına həyata keçirdiyi hücumlar nəticəsində azı 119 nəfər həlak olub, 866 nəfər isə yaralanıb.
AzerVoice xəbər verir ki, bu barədə fələstinli mənbələr məlumat yayıb.
Məlumata əsasən, 2023-cü il oktyabrın 7-də döyüşlərin başlanmasından bu yana Qəzzada həlak olanların ümumi sayı 61 min nəfərə yaxınlaşır, yaralananların sayı isə 150 min nəfəri ötür.
Qeyd edək ki, İsrail tərəfi Qəzzada ölən və yaralananlarla bağlı Fələstin statistikasının etibarlılığını dəfələrlə şübhə altına alıb.
Yanvar ayında əldə edilmiş atəşkəsə baxmayaraq, mart ayında İsrail ordusu Qəzzada hərbi əməliyyatları bərpa edib. Qətər, Misir və ABŞ-ın vasitəçiliyi ilə keçirilən bir neçə danışıqlar raundunda tərəflər yeni razılaşma şərtləri üzərində razılaşa bilməyiblər.
