BAKI, AzerVoice
İsrail Hərbi Hava Qüvvələri quru qoşunları ilə koordinasiyada son sutka ərzində Qəzzada təxminən 130 hədəfi vurub.
AzerVoice xəbər verir ki, bu barədə ordunun mətbuat xidməti məlumat yayıb.
Zərbələr endirilən obyektlər arasında hərbi infrastruktur obyektləri, o cümlədən qərargahlar, silah anbarları və raket qurğuları olub.
Quru qoşunları zolağın bütün ərazisində, həm cənubda – Xan Yunis və Rəfah bölgəsində, həm də şimal hissədə, o cümlədən Qəzza şəhəri ətrafında reydlər keçirirlər.
"İsrail Müdafiə Ordusu İsrail Dövlətinin dinc sakinlərinə qarşı istənilən təhdidi aradan qaldırmaq məqsədilə fəaliyyət göstərir" – deyə, məlumatda bildirilib.